شعر على سلامة
نفسى اتمطع انزل..
نفسى اطلع..
احلق اقرع..
واتشجع واقلع
كل هدومى القديمة..
وارمى الحاجات اللئيمة..
وابقى حركدة..
زى الطير..
نفسى اضحك من قلبى..
من غير ما اخاف..
واقول اللهم اجعلة خير..
يا اخى نفسى مرة..
اغير خط السير..
يعنى مش زى ما روحت.. لازم ارجع..
نفسى افرح بضحكتك..
من غير ما اخطفها منك..
او احسدك..او اطمع..
نفسى ابص م الشباك براحتى..واقول ياة.. اللة يا بختى..
نفسى احس من تانى بالجمال.. يا سبحان من ابدع.. نفسى يبقى ليالازمة..
ف وقت الحزن والازمة ..تلاقينى ببنى.. بصلح.. بغير.. بحلم
يعنى انفع..
نفسى دة يحصل..
قبل كل شئ جوايا ..
ما يعجز..
اويودع..
نفسى احب من تانى.. النهار.. والعمار..
يعنى باختصار..
نفسى ارجع تانى.. بنى ادام..
تفتكر دة ممكن..
وانا لا بشوف.. ولا بسمع ..